今日要介紹一個適合大家去傾偈輕鬆食飯聚會慶生嘅地方，銅鑼灣小火山泰豬鍋呢度賣點係泰國豬肉，同一個地方可以烤亦可以火鍋，但小編覺得更加正嘅係蝦片任食同live band。
Live Band環境氣氛一流
Live Band 駐唱，氣氛一流。當日同場有生日聚會，Band即時獻上Happy Birthday Song，令全場氣氛高漲，大家一齊開心。溫馨提示：如果想去慶生，記得提前問定Live Band獻唱時段。
小火山泰豬鍋高水準湯底
話明泰豬鍋，緊係要先講講個湯底：香茅椰汁雞湯底的香料味突出，微酸帶濃厚椰子香甜味，最後單點配上檬粉，真係一流。而船湯湯底則係濃郁鮮甜，味道同喺泰國當地食的船湯相近。
食物及前菜推薦
話明泰豬鍋，緊係要先講講個湯底：香茅椰汁雞湯底的香料味突出，微酸帶濃厚椰子香甜味，最後單點配上檬粉，真係一流。而船湯湯底則係濃郁鮮甜，味道同喺泰國當地食的船湯相近。
至於前菜，小編揀咗可以打卡同開心share嘅「小火山三味刺身杯盛合」：三文魚、虎蝦、生蠔都非常新鮮，雖然同行友人們覺得有啲辣，但金編覺得完全可以接受（泰式辣！）。雖然刺身水準還未達到驚艷的程度（平時小編食開即劏原條😂），但考慮到呢度唔係主打刺身嘅餐廳，呢種新鮮，係預期之外！
至於單點火鍋食材，小火山經典泰豬鍋拼盤係必點的。不過最令小編驚訝嘅係鴨胸！香而不膩，肉嫩而且仲要係成餐入面最便宜嘅肉品。而甜品蝶豆花芒果糯米飯都係一個亮點，微暖嘅糯米飯上面撒上了炒糯米，呢樣係好多香港泰式糯米飯都做唔到嘅地方。可惜略嫌飯身唔夠軟糯黏，有啲遺憾。
呢度用餐環境闊落，有氣氛，衛生狀況良好。服務態度都好好，店員人手充足，遊走全場服務周到，員工會同客人交流，令飯局氣氛更濃厚。
呢度嘅食材性價比嚟講，算係中等，唔算好划算。考慮到呢度提供到一個好氣氛嘅飲食場合比大家，食物質素亦唔低，所以大家不妨考慮嚟呢度聚會。
順帶一提，小編知道大家最關心優惠資訊，小火山泰豬鍋喺Openrice訂座可享有折購，折後價格較為合理。
（人均 $348）
小火山泰豬鍋地址
小火山The Volcano
📍 銅鑼灣堅拿道西10號冠景樓1樓B
發佈留言