Ivan the Kozak 東歐餐廳曾經上過藝人杜汶澤節目「YellopenRice」，全港唯一以俄羅斯烏克蘭菜式為主打東歐餐廳。這間良心小店東歐餐廳，進餐廳的時候就有濃濃的東歐風味，門口亦都放咗用Post-it砌成的反戰壁報板。餐廳位於大館對面，位於中環蘭桂坊，食完仲可以行下大館
Contents
Ivan the Kozak 招牌菜式
Ivan the Kozak 東歐菜式都比較膩，因為大多用上了忌廉芝士等材料
招牌芝士焗牛脷 – $98
店員先將酥皮剪成數塊，方便食用，酥皮配合芝士忌廉汁非常好吃，牛脷肉質軟腍，完全入晒芝士忌廉味，鍾意食超級腍牛脷的朋友一定會喜歡這個菜式
古法宮廷焙鹿肉 – $228
鹿肉菜式在香港並不常見，事實上呢度都有兔肉，原來其呢兩隻肉類菜式喺其他國家係非常常見，所以其實就唔使大驚小怪
食落呢同牛腩有少少似，但係就食到一絲絲肉嘅質感，呢個我會推薦
雞肉蘑菇卷 – $98
蘑菇同埋芝士味非常濃郁，最緊要係點醬汁，呢個我都推薦
馳名基輔炸雞扒 – $188
題外話：呢張相呢唔係用iPhone影，所以就冇咁像真XD
叫餸之前其實係比基輔兩個字吸引，實際上本身以為係幾塊炸雞扒，但係原來呢係雞肉卷成嘅圓形球體裏面釀咗芝士，然後外面再炸，大家如果想睇切咗嘅形狀，可以去網站度睇，呢個係心機野黎，不過食落就冇非常嘆為觀止，正常菜式
薯片食得出應該係自家製，不過就應該係一大堆預先炸定，所以唔係熱，不過都係脆身
烏克蘭原味蜂蜜蛋糕 – $88
好重蜜糖味，正常甜度，味道唔錯
Ivan the Kozak 人均消費$200-$400左右，睇食評網就應該會有Set Lunch，不過就會冇以上嘅菜式，附近返工嘅朋友可以留意。本身呢就想飲個湯，不過一來第一次食驚唔習慣，二來食完都真係覺得好飽。
鍾意呢一類型食評嘅朋友記得like，事實上詳盡食評我都希望放上Yomo.hk網站，更多嘅照片，同埋文字內容會放上，原因係小編覺得通常睇IG嘅朋友都未必會咁認真詳細閱讀，網站當然除咗食評資訊，亦都有唔同優惠同埋唔同分類整合，如果大家有興趣，不妨申請或者開戶
Ivan the Kozak 東歐餐廳 (中環)
中環雲咸街63號巴力大廈1樓
發佈留言